lara dopazo ruibal

O Parallé de Míriam Ferradáns

Hai uns días tivo lugar na sede do CMI a entrega do XXIX Premio Pérez Parallé a Míriam Ferradáns. Como todos os anos, participaron do acto a presidenta do Círculo, Paula Romero e o alcalde de Fene, Juventino Trigo. Lara Dopazo interveu para explicar algunhas das motivacións do xurado, do que formou parte xunto co poeta e editor Paco Souto e Eduard Velasco, gañador da edición de 2014.
A ocasión de entregarlle o premio a Míriam valeu tamén para lembrar a Fran Cortegoso, gañador do premio en 2013, recentemente falecido. Eduardo Estévez, coordinador do certame, abriu cun poema seu e, a continuación, todas e cada unha das persoas que interviron tiveron unha especial mención a Fran quen se convertiu así, dalgún xeito, en protagonista do acto.
O libro de Míriam Ferradáns será publicado o próximo ano na colección de poesía Espiral Maior que dirixe o poeta Miguel Anxo Fernán Vello.
Velaquí unhas poucas fotos desa noite.

Presentación d’Os nomes e os himnos

O próximo sábado 14 de maio ás 20h nas dependencias do Círculo Mercantil e Industrial-Unidade en Fene terá lugar a presentación do libro gañador da XXVIII edición do Premio Nacional de Poesía Xosemaría Pérez Parallé.

Os nomes e os himnos, obra de Jesús Castro Yáñez será presentado polo autor, quen estará acompañado da xornalista Lara Dopazo Ruibal, quen fará a introdución literaria.
Estarán presentes no acto, como é habitual, o alcalde de fene, Juventino Trigo e mais a Presidenta do CMI, Paula Romero.

Presentación do libro gañador do Parallé 2014

O pasado venres tivo lugar na sede do Círculo Mercantil e Industrial-Unidade, en Fene, a presentación de Ruído de trens, o libro co que Eduard Velasco obtivo a XXVII edición do Premio Nacional de Poesía Xosemaría Pérez Parallé en 2014.
O acto iniciouse cunha intervención do presidente do CMI, José Manuel Romero e a continuación interviu Gumersindo Galego, alcalde de Fene. A continuación, e no que foi o acto literario principal, participou Miguel Anxo Fernán Vello, director de Espiral Maior e editor do libro, Lara Dopazo Ruibal, xornalista, quen actuou como madriña do libro e, por último, o autor, Eduard Velasco quen, tras os agradecementos, leu algúns poemas do libro.
O peche musical estivo a cargo do conxunto vocal Sondenós quen interpretou, ademais dun repertorio de música internacional, algúns poemas de autores galegos desde Rosalía de Castro a Séchu Sende.
Velaquí algunhas fotos do acto e mais o texto co que Lara Dopazo Ruibal presentou o libro.

Xa temos nas mans o libro gañador do 2014

Ruído de trens, o libro co que Eduard Velasco obtivo o Premio Nacional de Poesía Xosemaría Pérez Parallé en 2014 xa está listo!
O próximo sábado 9 de maio ás 20.30 terá lugar a presentación oficial que contará coa participación do autor barcelonés, do editor do libro, Miguel Anxo Fernán Vello, e da xornalista Lara Dopazo Ruibal, quen nos falará sobre o libro.
Con este acto pecharase o traxecto da vixésimo séptima edición do Premio e, como todos os anos, iniciaremos a andaina do XXVIII Premio Nacional de Poesía Xosemaría Pérez Parallé. Este traballo que facemos entre todos e que nos dá alegrías como esta: